Plantun de Prouvènço

Pèr coumpara dos planto d'encò nostre

Galium obliquum & Fraxinus excelsior

Galium obliquum

Rubiaceae

Noms en français : Gaillet oblique, Gaillet jaunâtre.

Descripcioun :
La reboulo-de-galis trachis dins li tepiero seco, li bos clar e d'un biais generau, dins lis endré secarous fin qu'en auto mountagno. Es uno planto de la cambo primo, carrado, emé d'entre-nous proun long. Li fueio soun peréu fino emé un pichot bènc e uno souleto costo. Li flour en quàsi pinceloun, an de petalo un pau jaunet emé uno pichoto pouncho. Èi verai sèmblo un pau de-galis, pamens coumpara emé lis àutri reboulo qu'èi pas toujour eisa de li destria.

Usanço :
Couneissèn pas d'usanço particuliero pèr aquelo planto. Escriéure au site se n'en sabès mai.

Port : Erbo
Taio : 10 à 50 cm
Fueio : verticilado
Tipe bioulougico : Emicriptoufite
Cicle bioulougico : Planto renadivo

Gènre : Galium
Famiho : Rubiaceae

Coulour de la flour : Blanco
Petalo : 5
Ø (o loungour) flour : 2,7 à 3,2 mm
Flourido : Printèms - Estiéu

Sòu : Ca
Autour basso e auto : Pancaro entresigna
Aparado : Noun
Mai à avoust

Liò : Tepiero seco - Relarg à jóuinis aubret - Bos clar
Estànci : Termoumediterran à Aupen
Couroulougi : Éuropenco-Sud-Ouèst
Ref. sc. : Galium obliquum Vill., 1785

Frais

Fraxinus excelsior

Oleaceae

Àutri noum : Frau, Fraich, Fraiche, Fraisse, Frais-mascle.

Nom en français : Frêne commun.

Descripcioun :
Lou frais es un aubre de mountagno que trachis dins li relarg umide en terro prefoundo. Se recounèis à si bourroun negre e óupousa, à si fueio coumpausado de 5 à 11 fueioun denta e pounchu, e peréu à soun fru que ié dison "lengo d'aucèu".

Usanço :
Emé la ligno de frais se fai li manche d'óutis. Li fueio (e li fru) soun couneigudo pèr lucha contro lou mau-d'os e ajuda à pissa. Faire bouli uno pougnado, pièi après infusioun, béure emé de jus de limoun. Dins d'ùni endré, li jóuini fru soun manja après èstre esta bouli dous cop. En Franço s'adoubo uno bevendo, la freineto, emé li fueio cuberto de melado (producho pèr li nieroun).